Ekosistemaren eboluzioa
Ekosistema izaki bizidun handi bat bezalakoa da, denboran zehar aldatzen
doana. Ekosistemak jasaten dituen eraldaketak epe labur eta luzerakoak izan
daitezke.
Epe laburrerako aldaketak ekosisteman bertan gertatzen diren aldaketak dira;
epe luzerako aldaketak, berriz, ekosistema aldaketak dira, hots, ekosistema
baten ordez beste ekosistema bat sortzea.
Ekosistema bat gure bizitzaren une desberdinetan bisitatzen badugu, aldatu
egiten dela ikusiko dugu. Horrela, udaberrian pagadi batera joaten bagara, eta
gero udazkenean, asko aldatu dela ikusiko dugu. Pagadi horrek berak sute bat
jasaten badu ere, itxura aldatuko da. Guzti hori epe labur batean gertatuko da:
epe laburrerako aldaketa bat da hau.
|
